تعالو اتعلمو من ستي زكية .. اسماء الاشهر الشتويه..

السلااااااااااااام عليكم

هادا يا جماعة الخير
مبارح كانت عنّا ستي , وكانت الدنيا شتا, فبلشت تحكي

إنو هادا السعد البالع .. حكتلها إستني شوي

رحت زي الطيارة جبت ورقه وقلم

حكيت بفرجيهم للبني ادمين بمنتدى وردة فلسطين حبايبي

بنبلش أول إشي بشهر ..

عشرة (10) وحدعش (11)

بهدول الشهرين الوضع فيهم يسمى : (السعد البالع)

إحكولي ليش ..

انا بحكيلكم ليش , عشان الأرض بتكون عطشانه كتير بهادا

الوئت طبعا بكون عدّى عليها أكمن شهر صيف غير شكل ,

فلمّا تكون عطشانه شو بدها تعمل , بدها تشرب

يعني أي نئطة مي بتنزل عليها من المطر راح تبلعها

سانيا : شهر طنعش ( 12 ) وشهر واحد (1)

والوضع هون يسمى ( سعد الذابح) على كولة ستي

طيب ليش ذابح

لأنو هون الأرض بتكون شبعت مي , فبتصير المي إلي تنزل

من المطر زيادة عالأرض , فبتشكل هادي المي الزيادة

سيول , طبعا كل سيل بختلف عن التاني حسب الموقع

إلّي موجود في , نزله ولّلا أرض دغري مسلا

وفي سيول بتكون خطيرة جدا عالبني ادمين
عشان هيك ذابح

وكمان بسمو الجو هون (كوانين )

لأنو البرد في بكون قارص لا يحتمل ... يح

سالسا : شهر 2 بس..

يا حزركم شو إسم الوضع هون..؟؟

إسمو (سعد السعود ).. إطّيح الميه بالعود طبعا هادا كلام ستي حبيبتي

بطّيح الميه بالعود لأنو..

إستنو شوي أبل ما أحكيلكم سبب التسميه

انتو عارفين أنو عود ؟؟

عود النباتات والشجر , والمقصود من هادا العود بالزّات

هو غصن الداليه ( الدوالي) والعنب

ويبقى الجو باردا نسبيا في هازا الشهر

, وتصل درجة الحرارة اليوم في مدينة .. يييييي

قلبت على مذيعه في النشرة الجويه

نرجع نكمل موضوعنا

رابعا: شهر تلاته (3)وأربعا (4)

وهمّا اخر شهرين .. لأنو انا بس بحكي عن الأشهر الشتويه .. إتزكرو عنوان الموضوع هادا ..

مع إنو نص تلاته وشهر وأربعا (ربيع) بس في إلهم إسم كمان ..

إلّي هو (سعد الخبايا)

الخبايا إلّي هي: الكائنات , الزواحف , إلّي كانت متخبية جوّا الأرض طول هادي الفترة الشتويه

وبتبلش تطلع وتفيع بهالأرض

وتئرص هادا وتلدغ هداك

وفي النهايه بحب أحكيلكم جاي عبالي كستنه

وفي الختام السلام

ههههههههههههههههههههه
مشكور كتير يا ريحة الحبايب
حلوا
سالسا

دمعة على خدود القمر كتب:: ههههههههههههههههههههه
مشكور كتير يا ريحة الحبايب
حلوا
سالسا

ههههههههههههههههههههههه سالسا بتجنن وسانيا كمان

بس مرورك بجنن اكتر ... منورة مواضيعي دائما خيتو .. مشكووووورة كتيييييير كتييييير خيتو

ههههههههههههههههههههههههههه روعه

سانيااااااااا مشكور اكتير على موضوعك خيوو بجنن

سالسااا وهو الاهم تقبل مروري يا زوء

عاشقة الدموع الحزينة كتب:: ههههههههههههههههههههههههههه روعه

سانيااااااااا مشكور اكتير على موضوعك خيوو بجنن

سالسااا وهو الاهم تقبل مروري يا زوء

اولا شكرا عتمو عاشقة

سانياً : منورة موضوعي كتييييير

سالساً : مرورك على راسي وزوووووء والله

» مكتبة اسماء البلوتوث
» معنى اسماء البنااات
» احلى اسماء البلوتوث
» متزكرين لما كنا صغار روضة واول واصغر ولهلاء ...تعالو شوي
» تعالو شوفو البنات لما تحب تعمل نفسها بتفهم فى الكمبيوتر